Türkiyədə terror təşkilatı olaraq elan edilmiş “Kürdlərin Fəhlə Partiyası”nın tərəfdarı olan Hakkari şəhərinin merini saxlayıblar. Məlumatı “Reuters” yayır.

Mehmet Sıddık Akış iki ay əvvəl seçkilərdə qazandığı qələbə nəticəsində bu vəzifəyə təyin edilib və o, polis tərəfindən kürd döyüşçülər ilə əlaqədə ittiham olunaraq həbs edilib.

Hüquq-mühafizə orqanlarının əməkdaşları onun evində axtarış aparıblar. Kürd yönümlü “Demi” partiyasında dedikləri üzrə, axtarış zamanı polis Akışın vəkilini və ya onların partiya nümayəndələrini evə buraxmayıb.

“Reuters” agentliyi yazır ki, bələdiyyə seçkilərindən sonra Türkiyədə bir sıra kürd yönümlü bələdiyyə sədrləri saxlanılıb və onları əyalət qubernatorları əvəz edib.