Türkiyə və İran liderləri arasında Bəşər Əsədin devrilməsindən sonra ilk görüşdə Ərdoğan “terrorun aradan qaldırıldığı” Suriyanı görmək istədiyini bildirib

Suriya prezidenti Bəşər Əsədin devrilməsindən sonra Türkiyə və İran liderləri ilk dəfə görüşdülər.

Görüş Qahirədə, səkkiz müsəlman ölkəsinin sammitində keçirilib.

Məlumat üçün bildirək ki, Suriya vətəndaş müharibəsi zamanı Türkiyə və İran müxtəlif qüvvələri, Türkiyə Əsədin əleyhdarlarını, İran isə Əsəd rejimini dəstəkləyib.

Görüş zamanı Türkiyə prezidenti Rəcəb Tayyib Ərdoğan ölkəsinin “sabitliyin və təhlükəsizliyin hökm sürdüyü” və “terrorun aradan qaldırıldığı” Suriya görmək istədiyini bildirib. – Türkiyə prezidentinin administrasiyasının dərc etdiyi bəyanatda deyilir.

Ərdoğan həmçinin “Suriyanın ərazi bütövlüyü və birliyinin” qorunmasının vacibliyini vurğulayıb.

İran prezidenti Məsud Pezeşkianın ofisindən verilən açıqlamada həmçinin vurğulanıb ki, “Suriyanın ərazi bütövlüyünün hər hansı, hətta ən kiçik şəkildə pozulması tamamilə qəbuledilməzdir”.

Pezeşkian deyib ki, müsəlman ölkələri İsrailin bölgədəki “cinayətləri” ilə mübarizədə “məsuliyyətli davranmalıdır”.