Türkiyə-Gürcüstan arasında münasibətlər möhtəşəm səviyyədədir, Biz səylərimizi gücləndirməklə möhtəşəm əlaqələrimizi davam etdirəcəyik-bu barədə Türkiyə parlamentinin sədri Numan Kurtulmuş Gürcüstan parlamentinin sədri Şalva Papuaşvili ilə görüşdən sonra açıqlayıb.

O, Türkiyənin Gürcüstanın ərazi bütövlüyünü dəstəklədiyini söyləyib.

“Gürcü həmkarımla çox yaxşı görüş keçirdim. Qafqaz regionunda təhlükəsizliyin vacibliyini qeyd etdik. Biz öz tərəfimizdən qeyd etdik ki, Türkiyə Gürcüstanın ərazi bütövlüyünü dəstəkləyir və bizim möhtəşəm əlaqələrimiz hər iki ölkənin müsbət səyləri ilə bundan sonra da inkişaf edəcək. Mən fürsətdən istifadə edib gürcü xalqına xalqımızın ən xoş arzularını çatdıracağam. Ölkələrimiz arasında olan dostluğu əbədiyyətə qədər davam etdirmək niyətindəyik”- deyə Numan Kurtulmuş bildirib.