Nə ABŞ-da, nə də Avropa Dərman Agentliyi (EMA) tərəfindən “Vosoritide” qeyd-şərtsiz avtorizasiya almayıb. Tədqiqatlarda “Vosoritide”in faydaları və riskləri haqqında məlumat çatışmazlığı olduğu açıq şəkildə deyilir. Yəni, biz bilmirik ki, faydalar belə davam edəcək, ya yox”- deyə tibb eksperti Tinatin Turdziladze açıqlayır.

O, Avropada avtorizasiya rejiminin- “şəfqətli avtorizasiya”nın olduğunu bildirib və o deməkdir ki, dərmana avtorizasiya verilməyib, lakin o qədər ağır xəstəlik üçün nəzərdə tutulub ki, minimal fayda əlamətlərinə görə bazara buraxılıb.

“Belə olan halda deyirlər ki, bu dərmanı istəyib-istəmədiyinizə özünüz qərar verin, çünki o, dövlət zəmanəti ilə müşayiət olunmur. Sonra şərtli qəbul gəlir, bəli, fayda var, amma gələcəkdə nə olacağını bilmirik. Bundan sonra yerli mütəxəssislərin dərmanın icazəsi olduğuna dair müraciət etdiyi avtorizasiya gəlir. Xeyr, “Vosoritide”in malik olduğu avtorizasiya və əlavə qeyd-şərtlərlə olan avtorizasiya bir-birindən fərqlidir”-deyə əczaçılıq sahəsinin beynəlxalq eksperti bildirib.

O, qığırdağın bərkiyib- bərkiməyəcəyini bilmədiklərini bildirib.

“Bu mərhələdə tədqiqatlarda belə göstəricilər yoxdur. Söhbət sümüyün böyüməyə başlamasından gedir. Sümük böyüməsi dinamikada kifayət qədər davamlı olarsa, yan təsirlərin düzəldiləcəyi güman edilir. Burada “güman edir” sözünün böyük mənası var, çünki əslində biz bunu hələ bilmirik”-deyə Tinatin Turdziladze açıqlayıb.

Onun sözlərinə görə, bu mərhələdə sümük böyüməsi nəticəsində yarana biləcək fəsadlar və qığırdaqların möhkəmlənməsini gözləyərkən bir çox digər həyati funksiyaların pisləşə biləcəyi də məlum deyil.

“Kimsə sual verə bilər ki, biz nə edək, axı bu uşaqlar çox əziyyət çəkirlər. Əlbəttə ki, belədir. Əlbəttə ki, sümük böyüməsi mərhələsindən əvvəl, ağrıları və danışdıqları bütün ağırlaşmalar var. Sadəcə olaraq, bu xəstəliyə necə yaxınlaşacağımızla bağlı bunun öz protokolu lazımdır”-deyə Tinatin Turdziladze bildirir.

Məlumatı Səhiyyə Nazirliyi yayır.