Gürcüstanın Birinci Kanalı üçün mərkəzdə cəmiyyət, insanlardır və hər şey yalnız onlar üçün edilir, – Gürcüstanın Müstəqillik gününə həsr olunmuş Gürcüstanın Radio Kafesinin canlı efirində Gürcüstanın Birinci Kanalının baş direktoru Tinatin Berdzenişvili bu sözləri deyib.

“Efirimizdə çox sözlər deyildi – müstəqillik, azadlıq. Söz azadlığı ölkəmizin nailiyyətidir və bunun qayğısına ən çox İctimai Yayımçı, çox yüksək məsuliyyətlə yanaşır. Bu xəzinənin nə vaxtsa yox olacağına dair sual işarəsi olmamalıdır”, – deyə Tinatin Berdzenişvili bildirib.

Birinci Kanalın baş direktoru qeyd edib ki, yayımçı mayın 26-sı üçün tamaşaçılara maraqlı və dəyərli efir təqdim edir.

“Bugünkü yayım cəmiyyətə yönəlib və biz tamaşaçılara televiziya, radio və onlayn mediada çox maraqlı yayım təqdim edəcəyik. Gürcüstanın müstəqilliyinin bir növ salnaməsini təmsil edən üç yeni sənədli filmin premyerası təqdim ediləcək.

Avropa İctimai Yayımı məhz dəyərlərə əsaslanır . Biz 2012-ci ildə bu konvensiyaya qoşulmuşuq və biz bu dəyərləri qoruyuruq – məzmun yönümlü və heç bir halda bir gün üçün deyil. Tamaşaçılarımız və dinləyicilərimiz bu dəyərlər üzərində inkişaf edirlər – məlumat, bilik, əyləncə, təhsil, idman. Yeri gəlmişkən, yayıma Gürcüstanın idman qələbələrindən bəhs edən videoçarx hazırlanıb. Bu videoya baxdıqdan sonra vətənpərvərlik hiss etməmək olmur. Çox vaxt biz ölkədən kənarda kiçik ölkəmizin əldə etdiyi nailiyyətləri qiymətləndirmirik, lakin istənilən uğur böyük nailiyyətdir. Biz kiçik, geosiyasi baxımdan mürəkkəb ölkəyik, lakin bizdə mübariz ruh var idi, var və olacaq. Bunu daha çox qiymətləndirmək və yaxşını qorumaq çox vacibdir”, – deyə Tinatin Berdzenişvili bildirib.