Aylar və bütün gün proqnozlaşdırdığımız şey tam olaraq baş verdi. Bülletenlərin doldurulmasına və zorakılığa baxmayaraq, Avropa qalib gəldi. Bu gün heç bir partiya qalib gəlmədi, ölkənin Avropa gələcəyi qazandı, müxalifət qalib gəldi, “Gürcü arzusu” uduzdu. – Bu barədə “Milli Hərəkat”ın sədri Tina Bokuçava bildirib.

Onun sözlərinə görə, “exit-poll”da əksini tapan “Gürcü arzusu” məğlub olub.

“İvanişvilinin vaxtı bitdi və biz bunu dərc olunmuş ekzitpollarda gördük. Gürcüstan xalqı koalisiya hökumətini seçdi. Biz aldığımız bu etimada digər müxalifət partiyaları ilə birlikdə ən qısa zamanda böyük məsuliyyətlə yanaşırıq. Seçki barajını keçən ölkəmizi, şübhəsiz ki, Avropa Birliyinə daxil edəcək koalisiya hökumətinin yaradılması ilə bağlı danışıqlara başlayacağıq. – Bokuçava dedi.

Gürcüstanın üç telekanalı – “İmedi”, “Formula” və “Mtavari” 2024-cü il parlament seçkiləri üçün keçirilən ekzitpolun nəticələrini dərc edib.