“The Wall Street Journal” – Donald Tramp tərəfdarlarına İrana qarşı zərbələrin bərpa edilməsi ehtimalı barədə məlumat verib

ABŞ Prezidenti Donald Tramp İranın təklif etdiyi yeddi günlük atəşkəs təklifini rədd edib. Bu barədə “The Wall Street Journal” qəzeti yazır.

Məqaləyə görə, ABŞ Prezidenti Donald Tramp noyabrda planlaşdırılan Konqresə aralıq seçkilərindən sonra İrana qarşı zərbələrin bərpa edilə biləcəyini bəyan edib.

Nəşrə görə, Tramp İranın onun tələblərini yerinə yetirəcəyinə şübhə ilə yanaşır və bu səbəbdən İranın yenidən bombalanması ehtimalını istisna etmir. Nəşr qeyd edir ki, Tramp potensial zərbələrin hansı miqyasda ola biləcəyinə hələ qərar verməyib.

Bununla yanaşı, “The Wall Street Journal”ın məlumatına görə, Amerika Birləşmiş Ştatlarının Prezidenti genişmiqyaslı hərbi əməliyyatları bərpa etmək istəmir.

Bundan əvvəl İranın xarici işlər naziri Abbas Əraqçi bildirib ki, Tehran Qətər vasitəsilə Vaşinqtona Hörmüz boğazında gəmilərin hərəkətinin bərpa olunmasına dair yeddi günlük plan təqdim edib.

Məlumat üçün bildirək ki, ABŞ-da Konqresin aralıq seçkiləri 3 noyabrda keçiriləcək.