Müxalifətçi deputat Teona Akubardia bildirib ki, Rusiyadan başqa istənilən ölkə ilə viza rejiminin qaldırılması təqdirə layiqdir.

Akubardia, Çin tərəfindən Gürcüstan vətəndaşları üçün vizasız gediş-gəliş rejiminin tətbiq edilməsinin yalnız təqdirə layiq olduğunu bildirib.

“Rusiyadan başqa istənilən ölkə ilə viza rejiminin qaldırılmasını təqdir edirəm. Vətəndaşlarımızın, xüsusən də biznes sektorun Çinə vizasız səyahət etmək imkanı əldə etməsində sadəcə müsbət yanını görürəm. Bu, həqiqətən də təqdirə layiq addımdır”- deyə Teona Akubardia bildirib.

Çin Xalq Respublikası Gürcüstan vətəndaşları üçün vizasız gediş-gəliş rejimi tətbiq edib. Bu barədə Gürcüstanın Baş naziri İrakli Kobaxidze hökumətin bugünkü iclasında açıqlayıb. Baş nazirin qeyd etdiyi kimi, Gürcüstan vətəndaşları Çində 30 gün vizasız qala bilərlər.