Fövqəladə Halların İdarə Olunması Xidmətinin rəhbəri Temur Mğebrişvilinin sözlərinə görə, Şovidə baş vermiş insidentlə bağlı istintaq iki maddə üzrə aparılır, lakin işin araşdırılması zamanı maddələrin təsnifatı dəyişdirilə bilər.

Mğebrişvilinin Şovidə jurnalistlərə açıqladığı üzrə, təbii fəlakət bölgəsində axtarış-xilasetmə işləri aktiv şəkildə davam edir.

“Baş nazirin qərarı ilə ölkədə matəm günü elan edilib. Bu, təkcə ayrı-ayrı ailələrin faciəsi deyil, bütün ölkənin faciəsidir. Axtarış işlərinə gəlincə, bu gün biz arealı genişləndiririk. Bu istiqamətdə konkret işlər aparılır. Müəyyən yerlərdə iş gecə boyu davam etdirilirdi. Bu səhər cəsədlərin tapıldığı yerdə şəxsi əşyalar tapdığımız barədə məlumat aldıq və ümid edirik ki, planlaşdırıldığı kimi düzgün istiqamətdə hərəkət edirik. İlk dəqiqələrdə cinayət işi açılıb, iş iki maddə ilə açılıb, lakin istintaqın gedişatında maddələrin təsnifatı dəyişdirilə bilər”-deyə Mğebrişvili açıqlayıb.

Bundan başqa, Temur Mğebrişvili xilasedicilər və texnikanın fasiləsiz axtarış işləri apara bilməsi üçün fəlakət bölgəsində əlavə yollar təşkil edildiyini söyləyib.

“Hazırda iki istiqamətdə yollar salınıb. Sonra aktiv kəşfiyyat cəbhəsi açılacaq. Bir daha təkrarlayıram və spekulyasiyalara yer verməməyə çalışacağam. İlk dəqiqədən ən qısa müddətdə helikopteri havaya qaldırılmağın mümkün olduğu andan bu həyata keçirildi. Eniş edən kimi təxliyə etməyə başladıq, qalan sakinlər təhlükəsiz yerlərdə gecələdilər. Bu, bu insanların təhlükəsizliyi üçün strateji cəhətdən düzgün qərar idi”- Mğebrişvili bildirib.

Avqustun 3-də Şovidə sürüşmə baş verib. Hazırda mövcud olan rəsmi məlumata görə, təbii fəlakət nəticəsində 18 nəfər həlak olub.

Bu gün Gürcüstanda matəm günüdür.