Quriyada təbii fəlakət bölgəsində nəticələrin aradan qaldırılması işləri aparılır, gün ərzində sürüşmə prosesləri inkişaf edən yollarda təmizləmə işləri aparılır. Biz insanların köməyimizə ehtiyac duyduğu hər bir kəndə getməyə çalışırıq – bu barədə Fövqəladə Hallar Xidmətinin rəhbəri Temur Mğebrişvili danışıb.

O, işlərin gecə boyu davam etdiriləcəyini bildirib.

“Gün ərzində işlərə 200 yanğınsöndürən-xilasedici, eləcə də qayıq və kinoloji xidmət cəlb olunmuşdu. Hazırda nəqliyyatla getməyin mümkün olmadığı müəyyən yerlər var, lakin biz nəqliyyat vasitəsi ilə gedilməyin mümkün olmadığı hər bir vətəndaşın yanına piyada getmişik. Müvəkkillər gəliblər və ehtiyac olarsa, məhsul və ya digər zəruri vasitələr əhaliyə çatdırılacaq” – deyə Temur Mğebrişvili bildirib.