Gürcüstan Daxili İşlər Nazirliyinin Mərkəzi Kriminal Polis Şöbəsinin rəhbəri Teimuraz Kupatadze bütün ölkə miqyasında, müxtəlif şəhərlərdə, o cümlədən Tbilisidə istintaq hərəkətlərinin davam etdirildiyini bildirir.

Kupatadzenin qeyd etdiyi kimi, hazırda 20-yə yaxın narkotik alverçisi saxlanılıb.

“Bu gün səhər saatlarından etibarən bütün ölkə miqyasında, ölkənin müxtəlif şəhərlərində, o cümlədən Tbilisidə, Ponichala ərazisində istintaq hərəkətləri davam etdirilir. Məhkəmənin qərarı əsasında külli miqdarda və xüsusilə külli miqdarda narkotik vasitələrin qanunsuz saxlanması-əldə olunması-satılması ilə məşğul olan 20-yə yaxın narkotik alverçisi saxlanılıb. Həm Gürcüstan, həm də xarici ölkə vətəndaşları saxlanılıb. Polis tədbirləri gün ərzində davam edir və saxlanılanların sayı da artacaq” – deyə Teimuraz Kupatadze açıqlayıb.