İyulun 8-də keçirilən tədbirdə biz söz azadlığını, eləcə də insanların həyat və sağlamlığını qorumaq üçün əlimizdən gələni etdik- Daxili İşlər Nazirliyinin Mərkəzi Kriminal Polis İdarəsinin direktoru Teimuraz Kupatadze bildirib.

Teimuraz Kupatadzenin qeyd etdiyi kimi, iyulun 8-də Daxili İşlər Nazirliyinin demək olar ki, bütün bölmələri, 3000 nəfərə yaxın polis, o cümlədən Mərkəzi Kriminal Polis İdarəsi səfərbər edilib.

“İfadə azadlığını, eləcə də insanların həyat və sağlamlığını qorumaq üçün əlimizdən gələni etdik. Yol hissələrində kordonlar düzəltmişdik. Məkan bizə bütün perimetri maksimal dərəcədə müdafiəli və təhlükəsiz etməyə imkan vermədi və insanlar tədbirin keçirildiyi yerə çatmaq üçün tarlalardan və torpaq yollardan istifadə edərək kordonlarımızdan yan keçməyə çalışdılar. Bundan sonra qərara gəldik ki, həyat və sağlamlıq hər şeydən əvvəl və bizim bilavasitə borcumuz olduğu üçün “Pride”nin iştirakçılarını və təşkilatçılarını təxliyə edək, bu adamları çıxaraq ki, qarşıdurma olmasın. Yekunda əsas məqsədimiz yerinə yetirildi və bu tədbirdə heç kim xəsarət almadı”- Kupatadze bildirib.