Bu gün bütün dünya, o cümlədən son 10 ildə ölkədə insan hüquqlarının müdafiəsi səviyyəsini yüksəltmək üçün nəhəng addımlar atan Gürcüstan da Beynəlxalq İnsan Hüquqları Gününü qeyd edir -bu barədə Gürcüstanın mədəniyyət, idman və gənclər naziri Tea Tsulukiani jurnalistlərə açıqlayıb.

Tsulukiani insan hüquqlarının müdafiəsi standartının heç vaxt kifayət etmədiyini və daha çox işə ehtiyac olduğunu bildirib.

“İnsan hüquqlarının və ləyaqətinin qorunduğu nizamlı penitensiar xidmətimiz, eləcə də 10 il əvvəlkindən daha müstəqil, ixtisaslı, peşəkar və qərəzsiz məhkəməmiz var, burada islahatlar və təkmilləşdirmə prosesi davam edir. Məsələn, “bir seçici, bir səs” prinsipinin tətbiqilə seçki hüququ, eləcə də mülkiyyət hüququ, ailə həyatı, şəxsi həyatın toxunulmazlıq hüququ və s. kimi bir çox istiqamətlərdə təkmilləşdirmə prosesi davam edir. İstər Gürcüstan daxilində, istərsə də ölkə hüdudlarından kənarda olsun, hər kəsi bu nailiyyət və tərəqqi münasibəti ilə təbrik edir, çox vacib olan bu yolda daha böyük uğurlar və tərəqqi arzulayıram.

İnsan hüquqlarının müdafiəsi standartı heç vaxt kifayət etmir. Bizim hələ çox işimiz var, məsələn, məhdud imkanlı insanların hüquqlarını daha yaxşı qorumaq üçün, onlar üçün artıq Ədliyyə Nazirliyində möhtəşəm qanun qəbul etmişik. Qadın hüquqları – İstanbul Konvensiyası onlar üçün ratifikasiya olunub, lakin praktikada hələ də çoxlu çağırışlar var” -deyə Tea Tsulukiani açıqlayıb.