Tbilisinin meri Kaxa Kaladze MMC “Tbilservice Group”un əməkdaşlarını peşə günü münasibətilə təbrik edir və gündəlik fəaliyyətlərinə görə təşəkkür edir.

Kaxa Kaladze munisipalitet hökumətinin iclasında vətəndaşlardan gündəlik olaraq şəhərin təmizliyi və işıqlandırılması ilə məşğul olan insanların əməyinə hörmətlə yanaşmağı xahiş edib.

“Bu gün “Tbilservice Group”un peşə günüdür. Gündəlik, 24 saatlıq əməyi ilə Tbilisini ayaqda tutan hər bir işçini təbrik etmək istərdim. Şəhərimizin təmizliyinin, işığının və bir çox başqa üstünlüklərinin əsasını məhz onların peşəkarlığı təşkil edir. Tbilisi sakinlərindən isə xahiş edirəm və bir daha onları şəhərimiz üçün ən mühüm işləri görən insanların əməyinə hörmətlə yanaşmağa çağırıram. Mən onları bir daha təbrik edirəm və şəhərimiz üçün səmimiyyətlə gördükləri işlərə və fəaliyyətlərinə görə təşəkkür edirəm”- deyə Kaxa Kaladze bildirib.