Tbilisidə Machavariani küçəsində hərəkət müvəqqəti olaraq məhdudlaşdırılacaq

17:21, 13.09.2022

Tbilisi Meriyasından verilən məlumatda, Machavariani küçəsində hərəkətin müvəqqəti olaraq məhdudlaşdırılacağı deyilir.

Meriyadan verilən məlumatda bildirilir ki, meria Machavariani küçəsi ilə Marşal Qelovani prospektini birləşdirən yeni yol çəkir.

“Bu mərhələdə Machavariani küçəsinə asfalt örtüyünün üst qatı döşənəcək. Planlaşdırılan yol işləri ilə əlaqədar sentyabrın 13-ü saat 23:00-dan sentyabrın 14-ü səhər saat 07:00-dək Machavariani küçəsində hər iki istiqamətdə avtomobillərin hərəkəti məhdudlaşdırılacaq. Tbilisi Meriyası yaranmış narahatlığa görə üzr istəyir” – deyə Tbilisi Meriyasının məlumatında deyilir.

Müəllif - Sevinj Mustafaeva

İctimaiyyət