Qəzalı vəziyyətdə olan binaların dəyişdirilməsi proqramı çərçivəsində, üçüncü layihə Saburtalo rayonunda, Davit Qamrekeli küçəsində həyata keçiriləcək-bu barədə Tbilisi meri Kaxa Kaladze munisipalitet hökumətinin bugünkü iclasında açıqlama verib.

O, dövlət satınalmasının artıq həyata keçirildiyini və MMC “Georgianhouse”-un qalib şirkət olduğunu bildirib.

“Çoxmənzilli yaşayış evinin konseptual dizayn-layihə və ətraflı mühəndis-layihə-mühasibat uçot sənədlərinin hazırlanması məqsədilə dövlət satınalması həyata keçirildi. Yekun layihəni gözləyirik. Sonra icazə veriləcək. Sözügedən layihəni başa çatdırmaq üçün təxminən iki il vaxt lazımdır” – deyə Kaxa Kaladze açıqlayıb.

Paytaxt meri yaşayış binasının hazırkı vəziyyətini əks etdirən foto-materialı ictimaiyyətə təqdim edib.

“Layihə çərçivəsində 3-cü dərəcəli qəzalı vəziyyətdə olan 4 mərtəbəli yaşayış evi söküləcək. Qeyd olunan ünvanda 17 ailə yaşayır. Onlara yeni, təmirli yaşayış sahələri veriləcək. Təəssüf ki, paytaxtda belə bina-tikililərimiz çoxdur. Bu layihə ilə biz onları əvəz edə biləcəyik, lakin qeyd olunan prosesdə dəstəyiniz vacibdir. Danışıqların pozulduğu hallar var, çünki onlar malik olduqlarından daha çox sahə tələb edirlər” -deyə Kaxa Kaladze açıqlayıb.