Daxili İşlər Nazirliyinin Tbilisi Polis İdarəsinin Dzveli Tbilisi Baş Bölməsinin əməkdaşları həyata keçirdikləri əməliyyat-axtarış tədbirləri və istintaq hərəkətləri nəticəsində 1980-ci il təvəllüdlü İ.D.-ni qəsdən sağlamlığa ağır xəsarət yetirmək və qanunsuz silah əldə etmək-saxlamaq-gəzdirmək ittihamı ilə ölkəni tərk etməyə çalışarkən Sadaxlo keçid məntəqəsi yaxınlığında saxlayıblar.

“İstintaqla təqsirləndirilən şəxsin Tbilisidə qarşılıqlı mübahisə zəminində polis əməkdaşı olan 1990-cı il təvəllüdlü L.M.-yə xəsarət yetirdiyi və hadisə yerindən qaçaraq gizləndiyi müəyyən edilib. Yaralı polis hadisə zamanı xidməti vəzifəsini yerinə yetirmirmiş, o, dostları ilə Tbilisinin Tabidze küçəsində olub.

L.M. hazırda tibb müəssisəsindədir , ona müvafiq tibbi yardım göstərilir. Onun həyatı və sağlamlığı üçün təhlükə yoxdur” – deyə Daxili İşlər Nazirliyinin məlumatında deyilir.

Nazirlikdən verilən məlumata görə, qəsdən sağlamlığa ağır zərər vurma və qanunsuz olaraq odlu silah-sursat əldə etmə-saxlama-daşıma faktları üzrə Cinayət Məcəlləsinin 117 və 236-cı maddələri ilə istintaq aparılır. Cinayətlər dörd ildən yeddi ilədək həbs cəzasını nəzərdə tutur.