Fövqəladə Halların İdarəedilməsi Xidməti tərəfindən verilən məlumatda, Tbilisi yaxınlığında meşə massivlərində yayılan yanğınların söndürüldüyü deyilir.

Fövqəladə Halların İdarəedilməsi Xidmətində, hər üç məntəqədə güclü küləyin yanğının yayılmasına səbəb olduğu bildirilir.

” DİN-in Fövqəladə Halların İdarəedilməsi Xidmətinə dünən daxil olmuş bildirişdə, Tbilisi yaxınlığındakı meşə massivlərində: Napetvrebi yaşayış məntəqəsi, Tsavkisi yaxınlığında və Tbilisi-Tsğnetini birləşdirən yolun yaxınlığında yanğınların müşahidə olunduğu deyilib. Güclü külək yanğının hər üç yerdə yayılmasına səbəb olub. Fövqəladə Halların İdarəedilməsi Xidməti yanğınsöndürmə qüvvələrini qısa müddətdə səfərbər edib. İlk olaraq təhlükənin yüksək olması səbəbilə Napetvrebi yaşayış məntəqəsi yaxınlığında yerləşən yanğın ocağı lokallaşdırılıb. Paralel olaraq, Tsğneti və Tsavkisi yaxınlığında yanğının söndürülməsi tədbirləri həyata keçirilib. Yanğınsöndürən-xilasedicilərin çevik və operativ tədbirləri nəticəsində yanğınların yeri vaxtında aşkar edilərək söndürülüb”- deyə yayılmış məlumatda deyilir.