Gecə saatlarında Tbilisiyə yağan və güclü küləklə müşayiət olunan bol yağıntı paytaxt üçün problemlər yaradıb.

Tbilisi meriyasının mətbuat xidmətinin məlumatına görə, xüsusilə Samqori, Krtsanisi və Saburtalo rayonlarına ziyan dəyib.

“Aşılan ağaclar evlərə, nəqliyyat vasitələrinə və kommunikasiyalara ziyan vurub. Bir neçə yerdə güclü külək yaşayış evlərinin damını uçurub.

Bütün gecə ərzində şəhər meriyasının və idarələrin nümayəndələri, Daxili İşlər Fövqəladə Halların İdarə Edilməsi Xidmətinin əməkdaşları ilə birlikdə bütün problemli yerlərdə olublar. Aşan ağacların bağladığı yollar təmizlənib, dəymiş ziyan qiymətləndirilir.

Zəruri hallarda vətəndaşlar meriyanın 2 72 22 22 nömrəli qaynar xəttinə zəng edə və ya müvafiq rayon administrasiyası ilə əlaqə saxlaya bilərlər”, – Tbilisi meriyasının məlumatında qeyd olunur.