Bələdiyyə xidmətlərinin inkişafı üzrə elektron xidmətlər nöqsanla işləyir. Bununla bağlı Tbilisi meriyası bəyanat yayıb.

Meriyadan verilən məlumata görə, zona parklama sistemi avtomatik olaraq dayandırılacaq və nasazlıq dövründə balansdan heç bir məbləğ xərclənməyəcək.

“Bildiririk ki, bələdiyyə xidmətlərinin inkişafı üçün elektron xidmətlər nasazdır. Xətanın aradan qaldırılması üçün işlər aparılır. Qeyd olunan müddətdə zonal-saatlıq parkinq sistemindən istifadə etməməyə görə heç kim cərimələnməyəcək, zonal parkinq sistemi avtomatik olaraq dayandırılacaq, xətanın baş verdiyi müddət ərzində balansdan heç bir məbləğ xərclənməyəcək. Xətanın aradan qaldırılması ilə bağlı məlumat sizə dərhal təqdim olunacaq”, – deyə məlumatda qeyd olunub.