“100 yaşına çatmış vətəndaşlara birdəfəlik yardım” proqramı çərçivəsində Tbilisidə qeydiyyatda olan ahıllara 1000 lari deyil, 10 min lari veriləcək. Paytaxtın meri Kaxa Kaladze Tbilisi bələdiyyəsinin hökumətinin iclasında bu qərardan danışıb və cari ilin büdcəsində sosial proqramların icrasına böyük yer veriləcəyini qeyd edib.

“Bilirsiniz ki, paytaxtın büdcəsində əsas istiqamət infrastruktur layihələri ilə yanaşı, sosial proqramlardır. Hələ də dəstəyimizə ehtiyacı olan ailələr var. Biz hər şeyi edəcəyik ki, bu insanlar bizdən dəstək görsünlər və heç kim problemlə üzləşməsin. Proqramımız var, adam 100 yaşı tamam olanda meriya mükafat olaraq 1000 lari verəcək. İllər boyu belə idi və bu il mükafatı on qat artırıb 100 ili tamamlayanlara 10.000 lari vermək qərarına gəldik. Bu insanlara can sağlığı, uzun ömür arzulayıram”. – Kaxa Kaladze dedi.

Onun sözlərinə görə, ötən il Tbilisi meriyası 57 qocaya 1000 lari məbləğində nağd pul yardımı ödəyib, onlardan 23-nün bir əsr, 34-nün isə 101 və daha çox yaşı tamam olub.

“Vətəndaş və ya onun nümayəndəsi pul almaq üçün Tbilisi meriyasının Səhiyyə və Sosial Xidmətə müraciət etməlidir. Ərizəyə 100 yaşına çatmış vətəndaşın şəxsiyyət vəsiqəsi və son bir ildə Tiflisdə daimi qeydiyyatda olması haqqında vətəndaşlıq vəziyyəti aktları orqanından verilmiş məlumat vəsiqəsi əlavə edilməlidir. Artıq qeyd olunan proqramdan 2025-ci ilə qədər faydalanmış yaşlılar artıq arayış yazmalı olmayacaq və müavinət birbaşa hesaba daxil ediləcək”. – deyə paytaxt meri bildirib.