Tbilisi meri Kaxa Kaladzenin sözlərinə görə, 2008-ci ilin avqust hadisələri zamanı Gürcüstanın xarici dostları yalnız narahatlıqlarını ifadə ediblər.

Kaladze bu sözləri Ukraynadakı hazırkı hadisələr və NATO-nun genişlənməsi ilə bağlı baş nazirin bəyanatı haqqında jurnalistin sualına cavab verərkən deyib.

“İndi başa düşürsünüz ki, bu çox böyük problemdir? İlk dəfə indi eşidirsiniz? Makronun açıqlamalarını eşitməmisiniz? Xarici dostlarımızın bununla bağlı açıqlamalarını eşitməmisiniz? Viola xanımın açıqlamasını eşitmədiniz? Təbii ki, Avropalı gələcəklə əlaqəli söhbət gedirdi və mən bunu dinlədim. Bir çox açıqlamalar eşitmişəm. Zelenskinin açıqlamasını eşitməmisiniz? Mən başa düşürəm ki, həqiqət acıdır və bunu eşitmək istəmirlər. 2008-ci ildə ölkəmizdə baş verən fəlakət, ərazilərimizi itirdiyimiz zaman çoxlu insan həlak oldu, həm dinc sakinlər, həm də qəhrəman əsgərlərimiz, nə baş verdi, sözdə dostlar tərəfindən hansı addımlar atıldı? Yalnız nigarançılıq və narahatlıq. Bu, reallıqdır”, – deyə paytaxt meri bildirib.