Tbilisi meriyasından verilən məlumata əsasən, Merab Kostava küçəsində, Tbilisi Dövlət Konsert Sarayından Chovelidze küçəsinin kəsişməsinə qədər olan yol hissəsində planlaşdırılan işlər ilə əlaqədar noyabrın 29-u saat 00:00-dan dekabrın 5-dək avtonəqliyyat vasitələrinin hərəkət sxemi dəyişdiriləcək.

Rustaveli prospektindən hərəkət edən nəqliyyat vasitələri Kiaçeli və Axvlediani küçələrindən Merab Kostava küçəsi və Qəhrəmanlar Meydanı istiqamətində, Nikoladze küçəsi ilə hərəkət edə biləcəklər. Rustaveli prospektindən hərəkət edən avtonəqliyyat vasitələri isə Kostava küçəsindən istifadə edərək, sola dönməklə yalnız Chovelidze küçəsi istiqamətində hərəkət edəcəklər.

Melikişvili prospektindən hərəkət edən avtonəqliyyat vasitələrinə gəlincə, bu halda hərəkət istiqaməti dəyişməz qalacaq və sürücülər həm Rustaveli prospekti istiqamətində, həm də sola dönməklə Kostava küçəsi və Qəhrəmanlar Meydanı istiqamətində hərəkət edəcəklər.

“Rustaveli prospektindən Qəhrəmanlar Meydanı istiqamətində hərəkət edən avtobuslar: N306, N310, N314, N326, N331, N337, N342, N352, N358, N378, N391, N397, N301, N345, N359, N388 və mikroavtobuslar: N472, N532, N541 Birinci Respublika Meydanı vasitəsilə, Kiaçeli və Niko Nikoladze küçələrinə keçərək, daha sonra isə Merab Kostava küçəsi ilə Qəhrəmanlar Meydanına qoşularaq müəyyən edilmiş sxem üzrə hərəkəti davam etdirəcəklər. Əks istiqamətdə ictimai nəqliyyatın hərəkət sxemi dəyişmir” – deyə yayılmış məlumatda deyilir.