Tata Xvedeliani: “Parlament üzvlərinə qarşı əvvəlcədən planlaşdırılmış hücum baş verib, istintaq dərhal başlamalı idi; üzrxahlıqlarla kifayətlənmək olmaz, cinayətdə iştirak edən bütün şəxslər məsuliyyətə cəlb olunacaq”

“Ölkənin baş naziri və bütün hökumətin, o cümlədən daxili işlər nazirinin gözü qarşısında Gürcüstan parlamentinin üzvlərinə əvvəlcədən planlaşdırılmış və təşkil olunmuş hücum baş verib. Artıq üç gün keçib, heç bir reaksiya yoxdur, halbuki istintaq dərhal başlamalı idi”, – bu barədə “Gürcüstan üçün Qaxaria” partiyasının üzvü Tata Xvedeliani sosial şəbəkədə yazıb.

Onun sözlərinə görə, cinayətdə iştirak edən və məsuliyyət daşıyan bütün şəxslər cavab verməlidir.

“Eyni zamanda, Mzia Amağlobeli bir polisə şillə vurduğuna görə həbsdədir; dörd uşaq anası bir banneri markerlə rənglədiyinə görə; dinc və günahsız aktyorlar isə öz ölkələrini sevdiklərinə görə. Üzrxahlıqlarla kifayətlənmək olmaz! Bu cinayətdə iştirak edən və məsuliyyət daşıyan bütün şəxslər cavab verəcək”, – deyə Tata Xvedeliani bildirib.