NATO Xarici İşlər Ministerialı çərçivəsində Ukraynada davam edən müharibə haqqında danışacağıq və Ukraynaya gələcək yardımı müzakirə edəcəyik, eləcə də dəyərli tərəfdaşlarımız olan Bosniya və Herseqovina, Gürcüstan və Moldovadan olan həmkarlarımızla görüşəcəyik, çağırışlar qarşısında dayanıqlı olmalarına necə kömək edəcəyimizi müzakirə edəcəyik- bu barədə Sloveniyanın xarici işlər naziri Tania Paion bəyanat verib.

O bildirib ki, Buxarestdə NATO Xarici İşlər Ministerialı çərçivəsində müxtəlif ölkələrin xarici işlər nazirliklərinin rəhbərləri Ukraynada davam edən müharibəni və Ukraynaya gələcək yardımı müzakirə edirlər.

“Ukraynada davam edən müharibə haqqında danışacağıq və Ukraynaya gələcək yardımı müzakirə edəcəyik. Biz Ukraynanın xarici işlər naziri cənab Kuleba, həmçinin Avropa İttifaqının Ali Nümayəndəsi Cozef Borrell ilə görüşəcəyik. Biz çox ağır humanitar vəziyyətə xüsusi diqqət yetirməliyik. Mülki infrastruktura zərər vurulduğuna, vətəndaşların ölümünə, enerji və su sistemlərinə zərər vurulduğuna şahid oluruq, bu məsələlərə çox ciddi baxılmalıdır, qarşıdan qış gəlir, insanlar ölkəni tərk edirlər. Həmçinin, Ukraynada baş verən hərbi cinayətlər və vəhşiliklərə görə məsuliyyətdən danışmalıyıq. Mənim ölkəm Sloveniya Ukraynaya hərbi, humanitar və maliyyə baxımından kömək etmək üçün hər cür səy göstərməyə davam edir. Bildiyiniz kimi, biz dəyərli tərəfdaşlarımız olan Bosniya və Herseqovina, Gürcüstan və Moldovadan olan həmkarlarımızla da görüşəcəyik, çağırışlar qarşısında dayanıqlı olmalarına necə kömək edəcəyimizi müzakirə edəcəyik. Sloveniya Qərbi Balkanlara xüsusi diqqət yetirir, çünki bu, bizim yaxın qonşuluğumuzdur, lakin həm də bütün Avropada sülh və sabitlik vacibdir” – deyə Sloveniya Xarici İşlər Nazirliyinin rəhbəri açıqlayıb.