Tamaz Boraşvili – Kəşfiyyat Agentliyi əməkdaşlarının peşə bayramını təbrik edirəm, sizin işiniz ölkənin təhlükəsizliyi və milli maraqlarının qorunmasında xüsusi əhəmiyyət kəsb edir

Gürcüstan Dövlət Təhlükəsizliyi Xidmətinin rəisi Tamaz Boraşvili Kəşfiyyat Agentliyinin əməkdaşlarını peşə bayramı münasibətilə təbrik edir, ləyaqətli xidmət və fədakarlıqlarına görə onlara təşəkkür edir.

DTX rəhbərinin qeyd etdiyinə görə, Kəşfiyyat Agentliyinin əməkdaşları peşəkarlıqları, məsuliyyətləri və vətənə sadiqlikləri ilə Gürcüstanın strateji vəzifələrinin uğurla yerinə yetirilməsinə böyük töhfə verirlər.

“Kəşfiyyat Agentliyi əməkdaşlarının peşə bayramını təbrik edirəm! Siz ölkəmizin təhlükəsizliyi və milli maraqlarının qorunması işində xüsusi əhəmiyyət kəsb edən bir sahəyə xidmət edirsiniz.

Müasir dünya bizi getdikcə daha mürəkkəb çağırışlarla qarşı-qarşıya qoyur. Bu reallıqda isə sizin hər gün həyata keçirdiyiniz, çox vaxt cəmiyyətin gözü qarşısında görünməyən fəaliyyətiniz xüsusi əhəmiyyət kəsb edir. Bu fəaliyyət təhlükələrin vaxtında aşkar edilməsinə, ölkənin təhlükəsizliyinin möhkəmləndirilməsinə, eləcə də dinc və sabit gələcəyin təmin olunmasına xidmət edir. Peşəkarlığınız, məsuliyyətiniz və vətənə sədaqətiniz ilə Gürcüstanın qarşısında dayanan strateji vəzifələrin uğurla həyata keçirilməsinə böyük töhfə verirsiniz.

Ləyaqətli xidmətinizə və fədakarlığınıza görə sizə təşəkkür edirəm. Ölkəmizin rifahı naminə sizə uğurlar, qətiyyət və tərəqqi arzulayıram”, – təbrikdə qeyd olunub.