Gürcüstanın səhiyyə nazirinin müavini Tamar Qabunianın sözlərinə görə, Gürcüstanın “Sağlamlığın qorunması haqqında” qanununa edilən dəyişikliklərin əsas məqsədi tibbi mühitdə pasiyentin maraqlarını qorumaqdır.

“Qanunvericilik paketinin əsas məqsədi tibbi mühitdə pasiyentin ən yüksək maraqlarını qorumaq, pasiyentin təhlükəsizliyi və tibbi xidmətlərin keyfiyyətini artırmaqdır”, – deyə Tamar Qabunia bildirib.

Tamar Qabunianın sözlərinə görə, təqdim olunan qanunvericilik paketinin hazırlanması müvafiq nəzarət orqanının effektiv idarəetmə vasitələri ilə təchiz edilməsinə yönəlib.

“Qanun layihəsinə görə, tənzimləyici quruma daha çevik reaksiya vermək imkanı verilir. Oxşar presedent Əmək Müfəttişliyində, Ətraf Mühitin Mühafizəsi və Kənd Təsərrüfatı Nazirliyində də mövcuddur. Həmçinin, bir sıra digər qurumlar operativ cavab vermək imkanı ilə təchiz olunub. Biz bunu çox vacib hesab edirik, çünki bu, xəstənin təhlükəsizliyi və həyatına aiddir”, – deyə Tamar Qabunia bildirib.