Gürcüstanın Baş naziri İrakli Ğaribaşvili Budapeşt şəhərində işgüzar səfərdədir, burada mühafizəkar siyasi fəaliyyət konfransında iştirak edəcək və çıxış edəcək- bu barədə Gürcüstanın Macarıstandakı səfiri Tamar Liluaşvili açıqlayıb.

O, İrakli Ğaribaşvilinin yüksək səviyyəli ikitərəfli görüşlər keçirəcəyini, bunun da Gürcüstan və Macarıstan arasında sıx münasibətləri bir daha vurğuladığını bildirib.

“Bu konfrans Budapeştdə artıq ikinci dəfədir keçirilir. Konfransa həmçinin müxtəlif ölkələrin yüksək səviyyəli nümayəndələri dəvət olunublar. Səfər çərçivəsində baş nazir yüksək səviyyəli ikitərəfli görüşlər keçirəcək, bu da Gürcüstan və Macarıstan arasında mövcud sıx münasibətləri bir daha vurğulayır”- deyə Tamar Liluaşvili qeyd edib.