Tamar Baçaliaşvilinin işi üzrə sabiq müstəntiq Serqo Şubitidze prokurorluqda bu gün ifadə verməyib və rayon(şəhər) hakimi qarşısında ifadəsinin alınmasını tələb edib.

Keçmiş polis müstəntiqi Serqo Şubitidze verdiyi müsahibəsi əsasında başlanmış istintaq çərçivəsində dindirilmək üçün prokurorluğa çağırılıb. Onun müsahibəsi əsasında istintaq sübutların mümkün saxtalaşdırılması faktı üzrə başlayıb.

Şubitidze heç bir şərh vermədən istintaq orqanını tərk edib və yalnız hakim qarşısında ifadə verməyin onun hüququ olduğunu qeyd edib.

Serqo Şubitidzenin vəkili Mariam Mağradze Şubitidzenin mövqeyini ifadə etməsindən sonra prokurorluğun indi məhkəməyə müraciət etdiyini bildirib. O, Şubitidzenin rayon(şəhər) hakimi qarşısında ifadəsinin alınmasına dair tələbinin onun istintaqa etimad göstərməməsi mənasına gəlmədiyini bildirib. Nə sabiq müstəntiq, nə də onun vəkili əlavə təfərrüatlar, o cümlədən Şubitidzenin istintaqa nə deyəcəyi barədə danışır.

Serqo Şubitidze televiziyaya müsahibəsində Tamar Baçaliaşvilinin işi ilə bağlı danışarkən sübutların saxtalaşdırılması ilə bağlı açıqlama verib. Onun qeyd etdiyi kimi, Tbilisi Prokurorluğu işi öyrənməyə başlamazdan əvvəl istintaq prosesində iştirak edirmiş.