Mövcud qütbləşmə, Saakaşvilinin səhhəti ilə bağlı siyasi məsələlər müzakirə üçün ağır fon yaradır. Bu məsələləri həll etmək gürcü siyasətçilərinin, xüsusən də hakimiyyətdə olanların üzərinə düşür-bu barədə avropalı parlamentari Sven Mikser açıqlayıb.

Bundan əlavə, Sven Mikser 12 bəndin yerinə yetirilməsi məsələsindən danışıb. O, Aİ üzvlüyünə namizəd statusunun 12 bəndin yerinə yetirilməsindən asılı olmasının və bütün tövsiyələrin vacib olduğunun aydın şəkildə müəyyən edildiyini bildirib.

“Avropa Parlamentinin əksəriyyəti Gürcüstan əhalisinin ölkənin Avropaya inteqrasiyasını dəstəklədiyi kimi, Gürcüstanın da Avropa gələcəyini dəstəkləyir. Yalnız Assosiasiya Sazişinin icrasını müzakirə edə bilsəydik çox şad olardım, təəssüf ki, hazırkı siyasi qütbləşmə, Saakaşvilinin səhhəti ilə bağlı digər mühüm siyasi məsələləri müzakirə edirik və bu mövzular diskusiya üçün ağır fon yaradır. Bu məsələləri həll etmək gürcü siyasətçilərinin, xüsusən də hakimiyyətdə olanların üzərinə düşür.

12 bəndin yerinə yetirilməsinə gəlincə, biz bu siyahıda müxtəlif səviyyələrdə uğur görürük. Gürcüstan Avropa İttifaqı ilə münasibətlərdə son məqsədin nə olduğunu çox aydın şəkildə müəyyən edib və bu təşkilata üzvlükdür. Bu məqsədə çatmaq üçün yol keçiləsidir. Mərhələlərdən biri namizəd statusunun alınmasıdır. Namizəd statusunun 12 bəndin yerinə yetirilməsindən asılı olduğu olduqca aydın şəkildə müəyyən edilib. Bütün tövsiyələr vacibdir. Avropa Parlamenti, Komissiya və Avropa Şurası onları tam şəkildə qiymətləndirəcək. Onların bir çoxu Avropa Birliyinin fundamental dəyərləri – media azadlığı, müstəqil ədalət, korrupsiyaya qarşı mübarizə ilə bağlıdır” – deyə Sven Mikser açıqlayıb.

Bu gün Avropa Parlamentində Avropa İttifaqı ilə Gürcüstan arasında Assosiasiya Sazişinin icrasına dair Sven Mikser tərəfindən hazırlanmış illik hesabat səsverməyə qoyulur.