Fikrimcə, biz təmas nöqtələrini əks etdirən, Gürcüstanın və onun əhalisinin Avropa istəklərinə dəstəyimizi ifadə edən kompromisli mətn təqdim edə bildik- bu barədə Avropa Parlamentinin Xarici Əlaqələr Komitəsinin bu gün Gürcüstanla bağlı qəbul etdiyi kompromisli düzəlişlər ilə bağlı avropalı parlamentari Sven Mikser açıqlayıb.

O bildirib ki, mətn Assosiativ Sazişin gedişatını və əhalinin haqlı ümid və istəklərini yerinə yetirmək üçün Gürcüstan hakimiyyətinin nə etməli olduğuna dair parlamentin mövqeyini adekvat şəkildə əks etdirir.

“Kifayət qədər çətin danışıqlar prosesi idi və mən hər kəsə konstruktiv yanaşmalarına görə təşəkkür etmək istərdim. Fikrimcə, biz təmas nöqtələrini əks etdirən, Gürcüstanın və onun əhalisinin Avropa istəklərinə dəstəyimizi ifadə edən kompromisli mətn təqdim edə bildik. Mətn Assosiativ Sazişin gedişatını və əhalinin haqlı ümid və istəklərini yerinə yetirmək üçün Gürcüstan hakimiyyətinin nə etməli olduğuna dair parlamentin mövqeyini adekvat şəkildə əks etdirir. Bu, həm də Gürcüstan hakimiyyətinin müxtəlif sahələrdə davranışı ilə bağlı haqlı tənqidi əks etdirir. Gürcüstan əhalisi Avropa Parlamentinin inteqrasiya prosesini dəstəklədiyinə əmin ola bilər” – deyə Sven Mikser bildirib.

Avropa Parlamentinin Xarici Əlaqələr Komitəsi Sven Mikserin Gürcüstanla bağlı illik hesabatını kompromisli düzəlişlər ilə qəbul edib. Hesabatı 47 deputat dəstəkləyib, 5 deputat əleyhinə səs verib, 2 deputat isə bitərəf qalıb.