Sürücülük vəsiqəsi üzrə praktiki imtahanın ikinci mərhələsi üçün tarixlərin bron edilməsi artıq bir ay əvəzinə bir ay yarımlıq müddət ərzində mümkün olacaq
Nəqliyyat vasitəsini idarəetmə hüququnun (sürücülük vəsiqəsi) alınması üçün praktiki imtahanın ikinci mərhələsinin bron edilməsi qaydalarında dəyişiklik edilir.
Xidmət Agentliyinin məlumatına görə, praktiki imtahanın ikinci mərhələsi üçün nəzərdə tutulan tarixlərin rezervasiyası artıq bir ay deyil, bir ay yarımlıq müddət üzrə mümkün olacaq.
“İmtahan yerləri dolduqdan sonra həmin dövr üçün mərhələli şəkildə əlavə 3 000-dən çox yer də əlavə ediləcək.
Bu imkan o şəxslərə də şərait yaradacaq ki, müxtəlif səbəblərdən yerlər açılan kimi bron edə bilməyiblər və imtahan tarixini daha sonradan seçə bilsinlər”, – deyə Xidmət Agentliyinin məlumatında bildirilir.