Suriyalı üsyançılar Dəməşqə daxil olduqlarını iddia edirlər yayılan məlumata görə, Bəşər Əsəd paytaxtı tərk edib

Suriyalı üsyançılar Dəməşqə daxil olduqlarını iddia edirlər. Sosial şəbəkələrdə Suriya paytaxtının mərkəzində çəkilmiş bayramın görüntüləri yayılır.

“Reuters” agentliyinin iki yüksək vəzifəli Suriya rəsmisinə əsaslanaraq yazdığı kimi, ölkə prezidenti Bəşər Əsəd Dəməşqi tərk edərək naməlum istiqamətə uçub.

Üsyançı qüvvələr Telegram kanalında yayımlanan müraciətdə deyilir: “Bu, qaranlıq dövrün sonu və yeni dövrün başlanğıcıdır”. Onlar yaxın gələcəkdə televiziya çıxışı etməyi planlaşdırırlar.

İslamçı “Həyat Təhrir əl-Şam” qruplaşmasına görə, dövlət qurumları rəsmi təhvil verilənə qədər keçmiş baş nazirin idarəçiliyində qalacaq.

Bundan əlavə, üsyançılar minlərlə müxalifətçinin saxlandığı və işgəncələrə məruz qaldığı bildirilən Saidnaya həbsxanasından məhbusları azad etdiklərini iddia edirlər. Üsyançı qrup məhbusların azad edildiyini teleqram kanalında elan edərək, Suriyada “haqsızlıq dövrünün bitdiyini” qeyd edib.

Bəşər Əsəd 2000-ci ildə Suriya prezidenti olub. Bundan əvvəl, 1971-ci ildən ölkəyə onun atası Hafiz Əsəd başçılıq edirdi. Suriyada vətəndaş müharibəsi 2011-ci ildə başlayıb.