Türkiyə hərbçilərinin suriyalıların atəşinə məruz qalmasından sonra Türkiyə Suriyanın şimal-qərbi ilə əsas sərhəd-keçid məntəqələrini bağlayıb.

“Reuters” agentliyinin yazdığına görə, iğtişaşlar Türkiyədə, xüsusən də Kayseri şəhərində yaşayan suriyalının cinsi zorakılıqda ittiham olunaraq həbs edilməsi barədə məlumatın yayılmasından sonra başlayıb.

Zorakılıq xəbərlərindən sonra Türkiyənin bir sıra şəhərlərində, o cümlədən Kayseridə türklərlə suriyalılar arasında iğtişaşlar baş verib, yerli sakinlər avtomobilləri və binaları yandırıblar.

Türkiyənin daxili işlər naziri Əli Yerlikayanın sözlərinə görə, Türkiyədə polis Suriya icmasına qarşı hücumlarda iştirak edən 474 nəfəri həbs edib.

Bu arada, ən azı 4 nəfərin öldüyü sərhəddə yerləşən Afrin şəhərində qarşıdurma baş verib. Yerlikaia-nın sözlərinə görə, hadisə ilə bağlı araşdırma aparılır.