Ədliyyə Nazirliyinə yönəlik mənim də iradım var, Saakaşvili digər məhbusların olduğu yerə qayıtmalıdır. Həbsxanada daha ağır xəstələr var-bu barədə “Xalqın Gücü”nün üzvü Sozar Subari bildirib.

O bildirib ki, Saakaşvili digər məhbuslarla eyni şəraitdə olmalıdır.

“Dünən gördüklərimiz mənə yeddinci şöbənin zindanındakı insanları məsələn, Mirtsxulava, Sulxan Molaşvilini xatırlatdı – onlar hansı şəraitdə kameraya salınmışdılar və Saakaşvili hazırda hansı şəraitdə saxlanılır. Ədliyyə Nazirliyinə yönəlik mənim də iradım var, Saakaşvili digər məhbusların olduğu yerə qayıtmalıdır. Həbsxanada daha ağır xəstələr var. Həkimlərin tövsiyələrinə əməl edəcək, yemək yeyəcək və sağlam olacaq. Rəbb eləməsin ki, Saakaşvili və ya başqa bir məhbus onun məhbusları saxlatdırdığı şəraitdə olsun. Bu qisas olardı. Biz deyirik ki, Saakaşvili digər məhbuslarla eyni şəraitdə olmalıdır. Əgər həkimlərinin dediyi kimi, insan həbsxana kamerasına uyğunlaşa bilmirsə, o zaman cinayət törədərkən bunu nəzərə almalıdır. Bir ildən artıqdır ki, onun vəziyyəti, ölüm ayağında olması, ayağa qalxa bilməməsi ilə bağlı spekulyasiyalar dinləyirik. Onun işçilərə hücum çəkdiyi görüntüləri gördük. Onun ölüm ayağında olması, yeriyə bilməməsi və danışa bilməməsinin yalan olması barədə bizdə təəssürat yarandı”- deyə Sozar Subari açıqlayıb.