Davos İqtisadi Forumu bir tərəfdən dövlətlər arasında əlaqələrdir, digər tərəfdən isə dünyanın aparıcı şirkətləri ilə Gürcüstan üçün maraqlı ola biləcək əlaqələrin qurulmasıdır-bu haqda mətbuata “Xalqın Gücü”nün liderlərindən biri Sozar Subari açıqlayıb.

O bildirib ki, yüksək texnologiyalı şirkətlərin ölkəyə gəlişi Gürcüstan üçün son dərəcə vacibdir, çünki bu, təkcə iqtisadiyyatın inkişafına deyil, həm də ixtisaslı işçi qüvvəsinin artmasına və müvafiq olaraq, təhsil sisteminin inkişafına gətirib çıxaracaq.

“Davos İqtisadi Forumunda çox mühüm görüşlər keçirilir. Davos İqtisadi Forumu bir tərəfdən dövlətlər arasında əlaqələrdir, digər tərəfdən isə dünyanın aparıcı şirkətləri ilə Gürcüstan üçün maraqlı ola biləcək əlaqələrin qurulmasıdır. Məsələn, Gürcüstanın iqtisadiyyatı bütövlükdə 30 milyard dollardan bir qədər artıqdır (ÜDM-i nəzərdə tuturam) və hazırda elə şirkətlər var ki, onların dövriyyəsi Gürcüstan iqtisadiyyatının həcmini on dəfə üstələyə bilər. Onların hər biri ilə əlaqələr qurmaq, yüksək texnologiyalı şirkətləri gətirmək Gürcüstan üçün son dərəcə vacibdir. Bu, təkcə iqtisadiyyatın inkişafına deyil, həm də ixtisaslı işçi qüvvəsinin artmasına və müvafiq olaraq, təhsil sisteminin inkişafına gətirib çıxaracaq. Baş nazir və bütün iqtisadi komanda artıq Gürcüstana sərmayə qoymağa hazır olan belə nəhəng şirkətlərlə çox ciddi bir neçə görüş keçirib. Gürcüstanda liberal və cəlbedici investisiya mühitinin olduğu etiraf edilib”- deyə Sozar Subari açıqlayıb.