2008-ci ilin qəhrəmanları çoxdur, Şindisi qəhrəmanlarının nümunəsi isə seçiləndir- bu barədə jurnalistlərə “Xalqın Gücü”nün liderlərindən biri S. Subari bildirib.

Sozar Subarinin fikrincə, Şindisi qəhrəmanlığı ölkədə Gürcüstanın mütləq birləşəcəyinə ümid yaradır.

“Nə qədər ki, Gürcüstanın belə qəhrəmanları var və onların xatirəsi bizim qəlbimizdə yaşayacaq, Gürcüstanın birləşəcəyinə ümid həmişə olacaq”, – deyə S.Subari bildirib.

Deputat vurğuladı ki, avqust döyüşlərində təəssüf ki, qorxaqlıq, xəyanət nümunələri olub.

“2008-ci il müharibəsində bu qəhrəmanlıq nümunələri ilə yanaşı, qorxaqlıq və xəyanət nümunələri də çoxdur. Qori şəhərinin Mecvrisxevi küçəsində ölkənin ali baş komandanı təyyarənin səsinə qaçdı, bu adamın hara getdiyinə heyrətlə baxan qonağı, Fransa xarici işlər nazirini qoyub qaçması ən utanc verici qorxaqlıq idi.  Belə bir şəraitdə gürcü ordusunun bu qədər qəhrəmanlıq göstərməsi həqiqətən heyrətamizdir”, – Sozar Subari bildirib.