Xilasedicilər Şovidə, təbii fəlakət bölgəsində daha iki nəfərin cəsədini tapıblar-bu barədə Fövqəladə Halların İdarə Edilməsi Xidmətinin rəhbəri Temur Mğebrişvili jurnalistlərə bildirib.

“Bildiyiniz kimi, axtarış-xilasetmə əməliyyatı intensiv şəkildə davam edir. Bu gün təbii fəlakətin episentrindən 40 kilometr aralıda, Sori kəndi yaxınlığında ehtimal ki, kişi cəsədi görülüb. Bundan əlavə, bilirsiniz ki, fəlakətin episentrində nöqtəvi yoxlamalar aparılır. Təxmini olaraq, bu gün daha bir yeniyetmənin cəsədinin və ayrıca bir nəfərin fraqmentinin göründüyü səkkiz hektar ərazini diqqət mərkəzinə almışıq. Hazırda əməliyyat-axtarış tədbirləri fəal şəkildə davam etdirilir. İki nəfər qalıb və biz onların axtarış-xilasetmə tədbirlərini davam etdiririk”, – Mğebrişvili bildirib.

O, indiyədək xilasedicilərin ümumilikdə 31 nəfərin cəsədini aşkar etdiklərini söyləyib.

“Ümumilikdə 31 nəfərin cəsədi görünüb. Hazırda iki nəfəri axtarırıq”, – Mğebrişvili bildirib.

Onun sözlərinə görə, Qumat SES ətrafında axtarış işləri davam edir.

“Biz axtarış işlərini Qumat SES-in ətrafındakı əraziyə qədər genişləndirmişik. Bütün bu perimetrdə həm piyada, həm də qayıqla kinoloqların köməyi ilə axtarış-xilasetmə tədbiri həyata keçirilir”, – Temur Mğebrişvili bildirib.

Onun sözlərinə görə, bəzi hissələrdə çayların məcrası dəyişib.

“Biz işimizi eyni prinsiplə davam etdiririk. Çay məcralarında xeyli sayda şəxsi, məişət əşyaları, şəxsiyyət vəsiqəsi, qızıl-zinət əşyaları və s. tapılıb. Deməli, çay yatağında həm itkin düşmüş insanları, həm də bizi maraqlandıran müxtəlif şeyləri görə bilmə ehtimalı var” – deyə Temur Mğebrişvili bildirib.

Onun sözlərinə görə, axtarışlar məna kəsb edənə və bütün ümidlər tükənənə qədər davam etdiriləcək.

“Bu mərhələdə biz artıq iki nəfərdən danışırıq. Nəzəri şanslara gəlincə, ilk günlərdə elan etdiyimiz kimi, bütün ümidlər tükənənə və axtarışlar məna kəsb edənə qədər işlər davam edəcək. Bununla belə, düşünürəm ki, nəticələr yəqin ki, nəzərdə tutduğumuz kimi sona qədər aparılacaq”, – Temur Mğebrişvili əlavə edib.