Sopo Caparidze – Mixeil Saakaşvilinin təklifi böyük məsuliyyətdir, o, həmişə “Milli Hərəkatın” əvəzolunmaz lideri olacaq, onun iştirakı həlledicidir

Mixeil Saakaşvilinin təklifi mənim üçün çox böyük məsuliyyətdir, komandamız və seçicilərimiz üçün çox böyük məsuliyyətdir. Düşünürəm ki, mübarizə sona qədər olacaq, hər şey koordinasiyalı şəkildə gedir, biz birlikdə mübarizə aparacağıq, – bu barədə Gürcüstanın sabiq prezidenti Mixeil Saakaşvilinin şəxsi nümayəndəsi Sopo Caparidze bildirib.

Caparidzenin qeyd etdiyi üzrə, o, Mixeil Saakaşvilinin birliyə alternativin olmaması ilə bağlı mövqeyini bölüşür.

“Biz birlikdə ölkədə yoxsulluğa, Rusiya rejiminə qalib gəlməliyik və birlikdə iş yerləri, Avropa səhiyyə sistemi, Avropa təhsil sistemi yaratmalıyıq. Biz ölkəmizi ən böyük böhrandan birlikdə birdəfəlik çıxarmalıyıq. Mixeil Saakaşvili Vahid Milli Hərəkatın əvəzolunmaz lideri olub və olacaq. Onun iştirakı həlledici əhəmiyyət kəsb edir”, – Caparidze bildirib.

Bununla yanaşı, Caparidzenin sözlərinə görə, o, “Milli Hərəkat”da heç kimin yerini tutmur.

“Yeni idarə heyəti yaradılır və qapılarımız hərkəsə açıqdır. Tezliklə siz “Vahid Milli Hərəkat”ın sıralarında bir çox yeni layiqli simalar görəcəksiniz, gəlin hadisələrdən qabağa getməyək”, – deyə Caparidze bildirib.

Gürcüstanın sabiq prezidenti Mixeil Saakaşvili özünü partiyanın İdarə Heyətinin sədri, Sopo Caparidzenin isə onun müavini və seçki siyahısında bir nömrə seçməsi üçün “Milli Hərəkat”a müraciət edib.