Daha bir aviaşirkət “Sky Express” Gürcüstanın aviasiya bazarında fəaliyyətə başlayır. Bu haqda məlumatı Mülki Aviasiya Agentliyi yayır.

Qurumun məlumatına əsasən, Mülki Aviasiya Agentliyinə təqdim olunmuş ərizəyə əsasən, cari ilin oktyabrın 27-dən yunan aviaşirkəti Afina-Tbilisi-Afina hava xətti ilə müntəzəm uçuşlar həyata keçirəcək.

“Reyslər həftədə üç dəfə, hər bazar ertəsi, çərşənbə və şənbə günləri “Airbus 320” təyyarəsi ilə həyata keçiriləcək.

Gürcüstanın İqtisadiyyat və Davamlı İnkişaf Nazirliyinin Mülki Aviasiya Agentliyi sentyabrın 24-də aviaşirkətə müntəzəm aviasiya fəaliyyəti üçün lazımi icazə verib.

Bu günə olan vəziyyətə görə, “Aegean Airlines” və “Wizz Air” aviaşirkətləri Gürcüstan və Yunanıstan Respublikası arasında Afina və Salonikidən Tbilisi və Kutaisiyə uçuşlar həyata keçirirlər” – Mülki Aviasiya Agentliyi tərəfindən yayılmış məlumatda deyilir.