“Silknet” şirkətində kiçik istifadəçi qrupunun, ehtimal ki, 2000-ə qədər insanın identifikasiya məlumatlarına icazəsiz giriş və yayılmasının mümkün faktı ilə bağlı kompüter insidentinə qarşı cavab tədbirləri görülür. Bu barədə “Silknet”in bəyanatında qeyd olunub.

Şirkətin bəyanatında, kompüterlə bağlı baş vermiş mümkün insident faktı ilə əlaqədar Dövlət Təhlükəsizliyi Xidmətinin əməliyyat-texniki agentliyi ilə sıx əməkdaşlıq edildiyi deyilir.

“Şirkət tam məsuliyyətlə bildirir ki, abunəçi zənglərinin, mətn mesajlarının və digər telekommunikasiya xidmətlərinin məlumatlarının qanunsuz yayılması faktı baş verməyib. Fərdi məlumatların qorunması, şəffaflıq və hesabatlılığın şirkətin fundamental məsələləri olduğunu buradaca xüsusilə vurğulayırıq.

Şirkət kompüterlə bağlı baş vermiş mümkün insident faktı ilə əlaqədar Gürcüstanın “İnformasiya təhlükəsizliyi haqqında” qanununa uyğun olaraq kibertəhlükəsizliyin tənzimləyicisi kimi Dövlət Təhlükəsizliyi Xidmətinin əməliyyat-texniki agentliyi ilə sıx əməkdaşlıq edir və bu hadisənin qarşısının alınması, araşdırılması və gələcəkdə qarşısının alınması üçün onunla birgə tədbirlər həyata keçirir.

Yaxın vaxtlarda insidentin araşdırılmasının nəticələrinə əsasən, gələcək hüquqi cavab məsələlərinə də qərar veriləcək. Mövzunun əhəmiyyətindən irəli gələrək, “Silknet” şirkəti qeyd olunan insidentlə bağlı bütün zəruri məlumatları, mövcud kibertəhlükəsizlik tədbirlərinin effektivliyinə və gələcək istintaqın maraqlarına təhlükə yaratmayacaq dərəcədə, mümkün qədər tez bir zamanda açıqlayacaqdır” – məlumatda qeyd olunub.