Sidney Universiteti - Yanğın nəticəsində ən az 480 milyon heyvan ölüb

16:34, 07.01.2020

Avstraliyada veterinarlar və xilas edənlər yanğın nəticəsində xəsarət alan heyvanların axtarış əməliyyatına başladılar.

Sidney Universitetinin yaydığı məlumata görə, Avstraliyanın şimal-şərq sahilindəki meşə yanğını nəticəsində ən azı 480 milyon heyvan ölüb.

Avstraliyanın yanğın söndürmə xidmətləri veterinarlara və xilas edənlərə Viktoriya ştatında zərər görən heyvanları axtarmağa və onlara yardım etməyə icazə verdilər.

“Hazırda biz zərər görən regionlarda həkimlərə medikamentlərin verilməsinə diqqət yetiririk” – Viktoriya ştatının Milli Parklar İdarəsindən bəyan ediblər.

Daha sonra isə, analoji axtarış əməliyyatları digər regionlarda da keçiriləcək.

Müəllif - Emma Bairamova

Dünya

Avstraliyada yanğın