Sidney polisinin məlumatına görə, ticarət mərkəzindəki hücum nəticəsində ölənlərdən biri gürcüdür

16:59, 14.04.2024

Sidneydə ticarət mərkəzinə hücum nəticəsində ölənlərdən biri də gürcüdür.

“Sky News”un məlumatına görə, Yeni Cənubi Uels polisi 55 yaşlı qadının aprelin 13-də Sidneydə ticarət mərkəzində hücum nəticəsində öldürüldüyünü təsdiqləyib.

Sidneyin ticarət mərkəzlərindən birində naməlum şəxs bıçaqla vətəndaşlara hücum edib. O, beş qadın və bir kişi olmaqla altı nəfəri öldürüb. Polisin açdığı atəş nəticəsində hücum edən şəxs yerindəcə dünyasını dəyişib. Daha sonra hücum edənin psixi sağlamlıq problemləri olduğu ehtimal edilən 40 yaşlı Coel Kauçia olduğu müəyyən edilib. Hüquq-mühafizə orqanları terrorun motivini istisna edirlər.

Müəllif - Nino Pashayeva

İctimaiyyət