Daxili İşlər Nazirliyinin Sərhəd Polisinin əməkdaşları tərəfindən Batumi İdarəsinin “Kirnati” sərhəd sektorunun mühafizə bölməsində həyata keçirdikləri əməliyyat-istintaq tədbirləri nəticəsində
Gürcüstanın dövlət sərhədini qrup şəklində qanunsuz keçməyə cəhd edən bir Azərbaycan Respublikası vətəndaşı – 1996-cı il təvəllüdlü F.İ. və iki Türkiyə Respublikası vətəndaşı – 1990-cı il təvəllüdlü S.H. və 1989-cu il təvəllüdlü Ç.K. yaxalanıb.

Sərhəd Polisinin məlumatına görə, cinayət  4 ildən 5 ilə qədər həbs cəzasını nəzərdə tutur.

“İstintaq müəyyən etdi ki, təqsirləndirilən şəxslər qrup şəklində Gürcüstandan Türkiyə Respublikasına sərhəd-keçid məntəqəsindən yan keçməklə Gürcüstanın dövlət sərhədini qanunsuz keçməyə cəhd etdilər.

Faktla bağlı İstintaq Gürcüstan Cinayət Məcəlləsinin 19-344-cü maddəsinin 2-ci hissəsinin “a” bəndi ilə aparılır”, – məlumatda deyilir.