Avropa İttifaqının rəsmi veb-səhifəsində Brüsseldə keçirilən “Şərq Partnyorluğu” sammitinin deklarasiyası yayıldı.

22 səhifəlik sənəd, 21 maddədən ibarətdir. Bundan əlavə, deklarasiyada, 2020-ci ilə qədər həyata keçiriləcək 20 maddəli plan da var.

Deklarasiyaya əsasən, sammit iştirakçıları “Şərq partnyorluğunun” Avropa qonşuluq siyasətindəki əhəmiyyətini təsdiqləyirlər.

“Stabil və effektiv islahatların tərəqqisi “Şərq partnyorluğunun” müvəffəqiyyətinin açarıdır, – deyilir sənəddə.

“Sammit iştirakçıları demokratiyanın, qanunun aliliyinin və fundamental azadlığın  gücləndirilməsi üçün hazırdırlar. İnsan hüquqları və azadlıqlar, həmçinin beynəlxalq hüququn prinsipləri və normaları, şərq partnyorluğunun fundamentləridir” – deyilir sənəddə.