Gürcüstanın Milli Enerji və Su Tənzimləmə Komissiyasının (SEMEK) məlumatına görə, müxalifətdə olan siyasi partiyalardan birinin nümayəndəsi mətbuatda elektrik enerjisi tariflərinin artırılması ilə bağlı yalan məlumat yayıb.

Gürcüstanın Milli Enerji və Su Tənzimləmə Komissiyası izah edir ki, elektrik enerjisi tariflərinin artırılması planları yoxdur.

“Müxalifətçi siyasətçinin yaydığı məlumat bu dəfə də həqiqətə uyğun deyil və məqsədli şəkildə ictimaiyyəti çaşdırmaq cəhdidir. Elektrik enerjisi bazarının islahatı çərçivəsində edilən dəyişikliklərə uyğun olaraq, Gürcüstanın Milli Enerji və Su Tənzimləmə Komissiyası elektrik enerjisi tarifləri ilə bağlı dövlət inzibati icraatları həyata keçirir. Bu, Gürcüstanın Milli Enerji və Su Tənzimləmə Komissiyası tərəfindən dəfələrlə izah edilmiş qanunvericiliyin standart prosessual hissəsidir.

“Mövcud şəraitlə əlaqədar olaraq elektrik enerjisi tariflərinin dəyişdirilməsi üçün heç bir əsas yoxdur, bu isə o deməkdir ki, yaxın gələcəkdə elektrik enerjisi tarifinin artırılması nəzərdə tutulmur”, – Milli Enerji və Su Tənzimləmə Komissiyası bildirib.