2023-cü ildə üç milyon laridən artıq vəsaitlə maliyyələşdirilən dövlət proqramı çərçivəsində ötən yeddi ay ərzində 28 nəfərin üzərində qaraciyər və sümük iliyi transplantasiyası əməliyyatı aparılıb.

Bu barədə Gürcüstanın Səhiyyə Nazirliyi məlumat yayıb.

Qurumdan verilən məlumata görə, əməliyyatlar orqan transplantasiyası proqramı çərçivəsində həyata keçirilir və tam, 100%-lə Səhiyyə Nazirliyi tərəfindən maliyyələşdirilir.

“Orqan transplantasiyası üzrə dövlət proqramı 2022-ci ilin yanvarından başlayıb. Layihənin məqsədi hər bir benefisiar üçün yüksək keyfiyyətli səhiyyə xidmətlərinə maliyyə çıxışını təmin etməkdir. Proqram çərçivəsində birinci ildə 22 nəfərin qaraciyər və sümük iliyinin transplantasiyası 2 milyon 495 min lari məbləğində maliyyələşdirilib. Tbilisi və Acarada qeydiyyatda olan şəxslər istisna olmaqla, Gürcüstan vətəndaşları proqramdan istifadə edə bilərlər, çünki eyni xidmət Tbilisi meriyası və Acara Muxtar Respublikası hökuməti tərəfindən maliyyələşdirilir. Qaraciyər transplantasiyasının dəyəri 120.000 lari təşkil edir və onu tam olaraq Səhiyyə Nazirliyi qarşılayır. Həmçinin, sümük iliyinin transplantasiyası tam maliyyələşdirilib ki, bura həm birbaşa transplantasiya, həm də yüksək dozalı kimyaterapiya və sümük iliyi transplantasiyası üzrə əvvəlki tədqiqatlar daxildir”, – deyə Səhiyyə Nazirliyinin məlumatında bildirilir.