Etiraz aksiyasından tibb müəssisələrinə aparılan vətəndaşların həyatı üçün təhlükə yoxdur. – Bu barədə Məcburi Köçkünlər, Əmək, Səhiyyə və Əhalinin Sosial Müdafiəsi Nazirliyi məlumat yayıb.

Qurumun məlumatına görə, aksiyadan köçürülən şəxslərin bir hissəsi artıq tibb müəssisələrini tərk edib.

“Noyabrın 29-da Rustaveli prospektində keçirilən aksiyadan təcili koordinasiya və təcili yardım mərkəzinin qrupları 40 nəfəri tibb müəssisələrinə aparıb. Onlardan 36-sı aksiya iştirakçısı 2 KİV-in, 2-si isə Daxili İşlər Nazirliyinin nümayəndəsidir. Onların heç birinin təhlükəsi yoxdur – bəziləri artıq tibb müəssisələrini tərk ediblər, bəziləri isə həkimlərin tövsiyəsi və onların nəzarəti altında klinikada qalırlar.

Bundan əlavə, xəstəxanaya yerləşdirməyə ehtiyacı olmayan digər aksiya iştirakçılarına, KİV və hüquq-mühafizə orqanlarının nümayəndələrinə yerindəcə ilkin tibbi yardım göstərilib. Qeyd olunan məlumatlara yalnız Təcili Koordinasiya və Təcili Yardım Mərkəzi tərəfindən xəstəxanaya yerləşdirilən insanların sayı daxildir. – Qurumun yaydığı məlumatda qeyd olunur.