Avqust ayında əvvəlki ilin eyni ayı ilə müqayisədə səhiyyə xidmətlərinin qiymətləri 7,3 faizlə ucuzlaşıb, bu da illik indeksdə -0,72 faiz bəndi əksini tapıb. Məlumatı Məcburi Köçkünlər, Əmək, Səhiyyə və Sosial Müdafiə Nazirliyi Milli Statistika Xidmətinin göstəricilərinə istinadən yayır.

Qurumun məlumatında qiymətlərin tibbi məhsul, avadanlıq və cihazların alt qrupunda (-17,6 faiz) ucuzlaşdığı deyilir.

“İyul ayında səhiyyə qrupunda 6,9 faiz, tibbi məhsul, avadanlıq və cihazlar alt qrupunda isə -17,3 faiz azalma qeydə alınıb. Nəticədə avqust ayında tibbi məhsullar daha da ucuzlaşıb.

Nazirlik tərəfindən əczaçılıq bazarında aparılan islahatlar nəticəsində qiymətlər kəskin şəkildə, 70%-ə qədər ucuzlaşıb” – deyə agentliyin məlumatında qeyd olunur.