Aİ-nin genişlənməsi sabitliyə və təhlükəsizliyə sərmayədir. Bu, asan deyil, məhdudiyyətlər və maneələr olan bir yol var, lakin heç vaxt olmadığı qədər siyasi iradə mövcuddur, çünki biz geosiyasi imperativi dərk etdik. Genişlənmə sülh, təhlükəsizlik və sabitlik üçün seçimdir-bu barədə Avropa Şurasının Prezidenti Şarl Mişel Gürcüstan Prezidenti Salome Zurabişvilinin də iştirak etdiyi “Paris Sülh Forumu”nda panellərdən birində açıqlayıb.

Şarl Mişel çıxışı zamanı iki istiqamətə diqqət çəkib, bunlardan birincisi Aİ-nin Ukraynaya yardımı, ikincisi isə Aİ-nin genişlənməsi məsələsi ilə bağlı olub.

“Ukraynaya qarşı müharibə Avropa paradiqmasını tamamilə dəyişdi, müharibənin başlamasından bir neçə gün sonra NATO deyil, Avropa İttifaqının Ukraynaya silah tədarük etmək qərarını verməsi paradiqmanı əsaslı şəkildə dəyişdi. NATO-da möhkəm, güclü Avropa dayağımız olması üçün Avropa səviyyəsində əməliyyat təhlükəsizliyi və müdafiə imkanlarını gücləndirmək istiqamətində intensiv işi davam etdirdik. Bu birinci elementdir. İkinci element isə, mən bunu çox hörmət etdiyim Gürcüstan Prezidentinin yanında deyirəm, o da bunu bilir. İkinci element Avropa İttifaqının genişlənməsidir. Aİ-nin genişlənməsi sabitliyə və təhlükəsizliyə sərmayədir. Bu, asan deyil, məhdudiyyətlər və maneələr olan bir yol var, lakin heç vaxt olmadığı qədər siyasi iradə mövcuddur, çünki biz geosiyasi imperativi dərk etdik. Genişlənmə sülh, təhlükəsizlik və sabitlik üçün seçimdir”- Şarl Mişel bildirib.